Hafsteinn

22.1.2008 | 22:49

Over and Out

Þessari síðu hefur verið lokað.

Bloggar | Slóð | Facebook | Athugasemdir (2)

24.12.2007 | 01:13

Gleðileg jól

Óska öllum gleðilegra jóla og farsældar á komandi ári.

Hafið það sem best um hátíðina og látið ykkur líða vel.

Bloggar | Slóð | Facebook | Athugasemdir (0)

10.12.2007 | 21:39

Úr kalli í konu

Jón Gunnar spyr mig:

"Pabbi, er Michael Jackson búinn að fara í kvennskipta-aðgerð?"

Hvað er kvennskipta-aðgerð spyr ég.

"Æi það er svona þegar maður breytist úr kalli í konu, það kostar eina milljón!!"

Bloggar | Slóð | Facebook | Athugasemdir (1)

26.10.2007 | 22:29

Þurfti að skella mér norður á Sauðárkrók í dag. Lagt var af stað fyrir 7 am og er komið var að Hreðarvatni keyrði maður inn í snjókomu og vegurinn þakinn krapa. Töluverð hálka var á Holtavörðuheiðinni og ég á sléttum dekkjum.

Þetta hafðist slysalaust norður en ég þorði ekki annað en að kaupa nagladekk á Króknum, pungaði út 60 þúsund kalli fyrir dekkjum.

Vonandi breytist öll þessi rigning undanfarið ekki í snjó!!

Bloggar | Breytt 27.10.2007 kl. 00:47 | Slóð | Facebook | Athugasemdir (0)

24.10.2007 | 22:31

Skúr í grend

Maður áttar sig nú bara ekki lengur á þessu veðri hérna á þessu skeri. Það er hreinlega búið að vera rok og rigning síðan 20. ágúst, og þá meina ég ROK og RIGNING!!

Það er hægt að telja þá daga á fingrum annarar handar sem hafa sloppið við veður-ofsann. Er þetta bara hægt, þarf ekki að fara að athuga með þetta?

Bloggar | Slóð | Facebook | Athugasemdir (3)

21.10.2007 | 20:20

Sjáumst

Nú er frúin á leið úr landi, við hittumst bara um helgar þessar vikurnar. Hún mun eyða næstu 10 dögunum í Noregi við störf fyrir Elkem, þeir geta nú ekki fengið betri fulltrúa en hana Krissý mína!!

Þetta þýðir víst að við munum ekki hittast fyrr en um aðra helgi þar sem ég þarf að skjótast til Finnlands í 3 daga, daginn áður en hún kemur.

Annars vorum við Heimir félagi minn að panta okkur ferð til London um miðjan janúar nk. Ætlum að skella okkur á völlinn og fleira!!

Treysti á að hann bjóði mér a.m.k einn bjór, fyrir borðið sem hann braut hjá mér á föstudaginn.

Bloggar | Slóð | Facebook | Athugasemdir (5)

16.10.2007 | 20:28

Stemmning í gufunni

Jæja þá er ég komin aftur til Póllands, lenti í Varsjá en er búin að keyra nánast hringinn í kringum landið. Eftir að hafa eytt síðustu viku í Árósum, án þess að heimsækja Kristleif vin minn ( sorry mun pottþétt kíkja við næst ) var haldið til Póllands á mánudag.

Heimsótti viðskiptavin á þriðjudaginn og að því loknu var farið upp á hótel og unnið úr gögnum. Að loknum góðum degi skelltum við okkur í gufubað á hótelinu og erum við bara svona að spjalla um daginn og veginn. Arkar þá ekki inn myndar stúlka, berbrjósta, með eiginmann sinn í för!!

Maður er nú svo viðkvæmur fyrir öllu svona þannig að við litum nú bara undan og héldum áfram að spjalla eins og ekkert væri. Ég get nú ekki neitað að hafa gjóað augunum öðru hvoru, án þess að nokkur hafi tekið eftir ( líklegt ).

Þegar við komum út úr gufunni spurði ég félaga minn, sem er frá Póllandi, hvort þetta væri bara svona hérna. Nei svo væri nú ekki, hann var alveg jafn hissa og ég.

Eins og það sé nú ekki nógu heitt inni í þessum gufu-böðum þó ekki sé verið að bæta á það með svona fíflalátum!!

Bloggar | Breytt 18.10.2007 kl. 17:38 | Slóð | Facebook | Athugasemdir (4)

1.10.2007 | 20:36

Veisla

Laugardaginn síðast liðinn fór fram þessi líka svakalega veisla hjá Heimi og Helgu Dís. Veislan var haldin í versluninni Nínu og mættu um 25 manns. Frábær skemmtun og ekki amalegt að sækja þessa höfðingja heim. Borðaður var dýrindis matur með öllu tilheyrandi og svo spjallað fram eftir nóttu, svaka stuð og takk fyrir okkur.

Bloggar | Slóð | Facebook | Athugasemdir (0)

28.9.2007 | 22:31

Líf og fjör

Drengirnir eru með næturgesti í kvöld. Hjá Albert gista Doddi og Gulli en hjá JG gistir Helgi frændi okkar. Þetta eru allt saman frábærir piltar og miklir töffarar, þó misjafnt eftir aldri hversu mikill töffaragangurinn er og á hvaða formi.

Á morgun verður heljarinnar veisla hjá stórvinum okkar, þeim Helgu og Heimi. Herlegheitin fara fram í versluninni Nínu og ef ég þekki mitt fólk verður engu til sparað, enda ávallt höfðingjar heim að sækja. Hlakka mikið til.

Bloggar | Slóð | Facebook | Athugasemdir (0)

23.9.2007 | 11:39

Hitt og þetta

Ferðin til Póllands gekk vel og var virkilega gaman að koma þarna, frábær staður og skemmtilegt fólk.

Meiðslin sem ég varð fyrir í síðustu viku virðast á undanhaldi og fór ég á æfingu á fimmtudaginn. Einhverra hluta vegna virðist hugur og löpp ekki vinna eins vel saman og í gamla daga. Það virðist bara ekki vera hægt að framkvæma það líkamlega sem maður ætlar sér að gera. Alveg með ólíkindum.

Í gær var svo gefist upp í mótmælaaðgerðum gegn 365 miðlum vegna ofurverðs á áskrift og látið undan þrýstingi og pantaður aðgangur að Sýn2 og Stöð2. Aldrei er hægt að standa á sýnu!!

Best að fara að horfa á Newcastle -West Ham, þetta er alveg frábært.