Ég er rotta!!

14.1.2007 | 01:09

Skv. kínversku tímatali hefst árið 2007, sem er reyndar árið 4704-4705, þann 17. febrúar nk. Komandi ár er ár svínsins.

Áður en Búdda yfirgaf jörðina í síðasta sinn bauð hann öllum dýrum sköpunarinnar til kveðjuhófs en aðeins tólf mættu. Finnst mér það frekar léleg mæting, Búdda sennilega ekki verið mjög vinsæll. Til að launa þeim vinsemdina nefndi hann ár eftir hverju þeirra og skóp þannig dýrahringinn. Hver sá er fæðist á ári ákveðins dýrs fær eiginleika þess í vöggugjöf.

Hérna getið þið séð hvaða kínverska ár var þegar þið fæddust.

Rotta	Uxi	Tígur	Kanína	Dreki	Snákur	Hestur	Geit	Api	Hani	Hundur	Svín
1936	1937	1938	1939	1940	1941	1942	1943	1944	1945	1946	1947
1948	1949	1950	1951	1952	1953	1954	1955	1956	1957	1958	1959
1960	1961	1962	1963	1964	1965	1966	1967	1968	1969	1970	1971
1972	1973	1974	1975	1976	1977	1978	1979	1980	1981	1982	1983
1984	1985	1986	1987	1988	1989	1990	1991	1992	1993	1994	1995
1996	1997	1998	1999	2000	2001	2002	2003	2004	2005	2006	2007

Þar sem ég er fæddur árið 1972 reynist ég vera Rotta!!

Lýsing á rottunni er eitthvað á þessa leið:

"Fólk fætt á ári rottunar er mjög sjarmerandi og heilla hitt kynið upp úr skónum ( þetta byrjar vel! ) Mjög duglegt fólk sem setur sér háleit markmið og nær þeim. Rottur hafa oft fullkomnunaráráttu. Það er auðvelt að reyta rottur til reiði (það getur ekki verið! ) og þær elska að slúðra. Rottur smell-passa með drekum, öpum og uxum."

Smellið á krækjuna til að lesa um ykkar dýr:http://www.c-c-c.org/chineseculture/zodiac/Rat.html

Kínverska árið er 12 mánuðir og 29-30 dagar. Árunum er skipt niður í 12 ára tímabil og er hvert ár nefnt eftir einu af 12 dýrum. Nýju ári er fagnað á öðru tungli eftir vetrarsólstöður sem er milli 21. janúar og 19. febrúar skv. okkar tímatali. Til að halda árinu réttu er það stillt af, svipað og við gerum með hlaupárið.

Kínverjar notast nú reyndar við okkar dagatal og hafa gert síðan 1911 en gamla ártalið er notað til hátiðárhalda, sérstaklega áramótin en þá eru mikil veisluhöld.

Flokkur: Bloggar | Breytt s.d. kl. 01:16 | Facebook

Athugasemdir

Elsku Haddi !

Mikið er ég ánægð að einhver í fjöslkyldunni skuli sýna þessum fræðum áhuga..ég hef verið alein og einangruð á þessu sviði hingað til, en nú get ég fagnað sterkum liðsauka, og kannski farið að tala um þessi mál af einhverri alvöru. Það hljómar nú ekkert sérstaklega fallega að vera Rotta....En það hljómar ekkert sérstaklega vel heldur mitt merki....ekki á ensku amk....'Eg er "cock"!

Maren (IP-tala skráð) 20.1.2007 kl. 10:59