Partý partý

Kveðjuveislur eru hafnar.

Það er virkilega gaman að því hvað við höfum kynnst mikið að fólki hérna og eignast mikið af góðum vinum, bæði tengt vinnunni og fyrir utan vinnuna.

Sá hópur sem við höfum kynnst fyrir utan vinnunna boðaði til veislu nú mum helgina.

Dagurinn var tekinn snemma, ég var sóttur klukkan 6:30 og við "strákarnir" fórum í golf. Það var virkilega góð skemmtan, sérstaklega þar sem hluti hópsins hafði ekki spilað golf áður. Mitt lið stóð uppi sem sigurvegari en það var ekki mitt framlag sem skipti þar sköpum.

"Stelpurnar" hittust um 10 leytið og fóru í hádegisverð með öllu tilheyrandi og létu sér líða vel. Á meðan var börnunum komið fyrir en um tvö leytið hittust bæði börn og fullorðnir hér hjá okkur á Helenu Stræti. Mættu rúmlega 40 manns og það var setið og spjallað og leikið sér. Að lokum vorum við  leyst út með gjöfum og tilheyrandi. Um 9 að kveldi var frábærum degi lokið. 

Það er ekki bara frábært veður, dásamlegar strandir, náttúra og fjölbreytt dýralíf sem gera þetta land eins dásamlegt og það er. Það er fyrst og fremst fólkið sem hér er sem gerir þetta land að því sem það er.

Á föstudaginn fór Krissý með vinum okkar frá Bulimba á Sirromet vínekruna þar sem setið var að snæðingi og skemmt sér fram eftir degi.

Um næstu helgi verður síðan kveðjupartý með vinnufélögunum haldið hér að Helenu Stræti. Líf og fjör.

 

Athugasemdir

[Rósa Kristín Albertsdóttir (IP-tala skráð) 9.5.2007 kl. 18:09]

Þú hefur nú ekki klikkað í golfinu, þú ert bara alltaf svo lítillátur ,ljúfur og kátur Haddi minn. Þú hvílir þig vel hérna heima hjá mér eftir allt þetta partýstand .

[Egill Lárusson, 10.5.2007 kl. 12:40]

Meira sukkið alltaf hreint!

Maður verðu gersamlega blá edrú um næstu helgi, ekki spööörning.

[Þóra Jónsdóttir (IP-tala skráð) 10.5.2007 kl. 13:02]

ég ætla nú bara að biðja þig um að láta ekki renna af þér fyrr en þú kemur til íslands. Ég nenni ekki að hafa þig edrú hérna í Hollandi  Hvítvínið er klárt og við erum að telja niður...