Stöndum saman Skagamenn

Á morgun hefst Íslandsmótið í Knattspyrnu, Landsbankadeild. Við Skagamenn höfum alltaf verið gríðarlega stoltir af því að vera Skagamenn og eitt okkar helsta stollt er knattspyrnuliðið okkar. Allt frá því 1951 ( mynd til hliðar ) höfum við verið bestir í boltanum á Klakanum og þótt víðar væri leitað.

Þrátt fyrir að hafa verið bestir hafa skipst á skyn og skúrir hvað varða árangur liðsins. Á komandi sumri reynir mikið á unga og efnilega leikmenn félagsins. Mér taldist til að 15 leikmenn liðsins hafa spilað undir 20 leiki í efstu deild.

Ég vil hvetja alla Skagamenn til að mæta á völlinn á morgunn og sýna þessum drengjum hvað við stöndum þétt við bakið á þeim í sumar og gerum Akranesvöll að óvinnandi virki. Það er ekki bara leikmannanna að standa sig í sumar, nú látum við ÖLL fyrir okkur finna.

 Áfram Skagamenn.

Athugasemdir

[Egill Lárusson, 13.5.2007 kl. 01:20]

Við gleymdum alveg að syngja ´Skagamenn, skagamenn skoruðu mörkin´ í gær. En ég stend við mitt og segi ´Áfram Valur!´