Kallinn 35 og frúin 33 ( þó það sjáist ekki )

 

Við fjölskyldan áttum frábæra helgi á Stradbroke Island hér í nágrenni Brisbane. Fórum í bílferju  ca 45 mín sigling ( góð Akraborgarstemning nema engin ælandi ) og gistum svo á þessu fína hóteli um helgina svona í tilefni afmæla okkar.

Við feðgarnir versluðum okkur veiðistöng, veiddum ( fengum 6 )  og lékum okkur í sjónum.  Á kvöldin var síðan spilað veiðimann.

Hér er komin vetur og hitinn dottinn niður í 28 gráður. Hlökkum til að koma heim í sumarblíðuna!!

Athugasemdir

[Helga Atlad. (IP-tala skráð) 21.5.2007 kl. 09:12]

Til hamingju með afmælin ykkar, það er alltaf gaman að eiga afmæli. Þið eruð dugleg að gera ykkur dagamun, það hefur verið góð stemming hjá ykkur í fríinu. Munið bara að spritta veiðistöngina svo hún megi koma til landsins. Njótið tímans sem eftir er, bestu kveðjur Helga

[Heiðrún Hámundar (IP-tala skráð) 22.5.2007 kl. 07:58]

Hjartans hamingjuóskir með afmælin ykkar!

Hér er að koma sumar og við rétt sligumst í 20 gráðurnar....

Þarf virkilega að spritta veiðistangir til þess að það megi taka þær með inn í landið???

Bestu kveðjur,

Heiðrún

[Guðmundur Arngrímsson (IP-tala skráð) 26.5.2007 kl. 21:11]

Sæl og blessuð bæði tvö.

Mér varð hugsað til ykkar fyrir stuttu og ákvað að "googla" bóndann og rakst á þessa fínu síðu. Er búin að lesa um ævintýri ykkar sem andfætlingar og hafði gaman af. Ég er sjálfur að flytja til landsins í haust með börn og buru, eftir 6 ára dvöl í hinni marflötu Danmörku.

 Það er gaman að vita að ykkur gangi allt í haginn, góða ferð heim. Við rekumst örugglega á hvort annað á förnum vegi einhversstaðar á klakanum.

Kveðjur.

Gummi Hrafn