Úff

Er að störfum í Victoriu fylki, nærri Melobourne í litlum bæ sem heitir Castlemaine.

Miklir skógareldar geysa hér og er eldlínan um 80m km löng og sér vindurinn um að halda þessu gangandi. Ekki er nokkur leið að slökkva þessa elda en menn berjast við að halda þessu í skefjum og verða að bíða eftir hagstæðri vindátt og haustinu!!

Í gær brunnu í sundur rafmagnslínur sem sjá um að dreifa rafmagni um allt fylkið, til fleiri milljón manns. Hundruð þúsunda heimila voru án rafmagns og voru allir veitingastaðir lokaðir sökum þessa, sem gerði okkur erfitt fyrir varðandi kvöldmat.

Það var svo ekki á það bætandi að hitinn var óbærilegur. Obinberar hitatölur voru rúmar 40° á Celsius kvarðanum. Nú stendur einmitt yfir Opna Ástralska mótið í tennis og var hitinn sem mældist niður á aðal-vellinum rétt eftir hádegi tæpar 50 gráður, í skugga!! Hvenær verður það beinlínis hættulegt að stunda afreksíþróttir? Kannski Kristleifur vinur minn geti svarað þessu.

Annars voru nokkur góð comment frá keppendum í blöðunum í dag.

"Ég fann ekki fyrir fótunum"

"Heilinn á mér er gjörsamlega steiktur"

"Ég er með óráði!"

 

Athugasemdir

[Guðrún (IP-tala skráð) 17.1.2007 kl. 16:47]

Þú ferð varlega þarna í hitanum :)

[mamma (IP-tala skráð) 18.1.2007 kl. 10:40]

þetta er nú alveg ótrúlegt þarna væri nú gott að fá góða rigningu. það hefði ég allavega haldið að myndi bjarga öllu, en ég er nú líka SNÁKUR og elska góða rigningu.

[Helga Atlad. (IP-tala skráð) 18.1.2007 kl. 14:34]

Þetta er alveg ótrúlegt veður, en hefur þetta ekki alltaf verið svona þarna í þessum heimshluta hjá ykkur núna eða er veðrið líka að breytast í þá átt að hitna meira. Veðrið er jú alls staðar að breytast og jafnast ef svo mætti segja bara verst með þessa hvirfilvinda og storma sem koma upp.  Þið farið vonandi öll varlega í þessum svakalega hita. Ég er nú bara að vona að þaki haldist á hjá okkur í dag og næstu daga því svo svakalegir vindar ganga yfir hjá okkur og húsið sem við búum í er 109 ára gamalt. Rigning alveg eins og hellt sé úr fötu og það á þessum árstíma. En kannski kemur kuldinn og snjórinn þrátt fyrir allt hver veit.

[kristleifur (IP-tala skráð) 24.1.2007 kl. 19:24]

Hér í Danmörku er spáð 9 stiga frosti í nótt þannig að það er c.a. 50 stiga munur á milli okkar.

Ég hef nú ekki alveg á tæru við hvaða hitastig það verður hættulegt að stunda afreksíþóttir. Mín reynsla er nú sú að það sé alltaf hættulegt. Þetta lið er alltaf að meiðast og leggst svo flatt á bekkinn hjá sjúkraþjálfaranum!

[Hafsteinn Gunnarsson, 26.1.2007 kl. 08:51]

He he. Þetta er alveg hárrét hjá þér.