Líkamsræktin

Við hjónin erum farin að stunda hjólreiðar. Erum búin að fara eina 50 km þessa vikuna - Það held ég að rassarnir verði stinnir og flottir með þessu áframhaldi!!

Það er nú samt gaman af þessari líkamsækt. Þetta er einhvern vegin alltaf sama sagan. Eftir jólin byrjar maður að koma sér í form og stendur sig svona þokkalega vel fram eftir ári. Síðan fer að halla undan fæti í kringum páskana og á sumrin er þetta einhvern vegin ekki að gera sig. Þegar fer að hausta verður maður nú að drífa sig aftur af stað, ekki hægt að liggja í eymd og volæði. Það gengur mjög vel fram eftir haustinu en þegar líða fer að jólum fjarar þetta út. Síðan hefst hringurinn aftur.

Þetta dugar þó til að halda sér í horfinu, þó ekki sé það meira. Það er nú betra að vera alltaf að reyna en að gera ekki neitt.  Gangi ykkur vel í ræktinni.

Athugasemdir

[Lúlli (IP-tala skráð) 20.1.2007 kl. 17:07]

Það er nú gaman að segja frá því að við Íslendingar unnum ykkur molbúana í Ástralíu á HM í handbolta rétt áðan. Lokatölur 45-20 kuldabolunum í vil. Koma svo Ástralir...

[Helga Atladóttir (IP-tala skráð) 22.1.2007 kl. 21:38]

Jeminn, það er nú varla hægt að vera stinnari og sætari en þið hjónin eruð..... Eins gott að fara kannski aðeins varlega í þessar æfingar! Kveðja úr kuldanum Helga Atlad.