Úr dvala

Ekki hefur verið mikið um skrif hér undanfarið en reynt verður að gera bót á því.

Það má svo sem segja að mikið hafi verið um að vera. Brekkubrautarmafían fór í frábæra hestaferð um síðustu helgi, undir örrugri stjórn höfuðs mafíunnar, mömmu.

Á fimmtudaginn var farið var sem leið lá frá Akranesi og riðið að Geldingaá. Daginn eftir var haldið í áttina að Hafnarfjalli og inn að Ölver. Þaðan var riðið niður að Höfn og svo sem leið lá í átt að Borgarnesi og alla leið inn að Hreppslaug. Þar var áð og járnuð ein löpp, þar sem skeifa hafði dottið undan. Nutum við góðrar aðstöðu hjá Jóhannesi og Guðrúnu og kunnum við þeim góðar þakkir.

Að því loknu var för haldið áfram og riðið inn allan Skorradal, meðfram vatninu, og inn að Fitjum. Tók þessi dagleið leið 11 klukkutíma og má segja að menn og hestar hafi verið orðin þreytt. Lúlli telur hestamenn vera hetjur, en hann var orðinn heldur framlár kappinn þarna undir lokin.

Gist var í góðu yfirlæti í Skorradalnum, í sumarbústað sem afi Guðrúnar á.

Að morgni var svo haldið yfir Botnsheiði og Síldarmannagötur og komið niður í Botnsdal í Hvalfirði. Var þetta mjög skemmtileg leið. Frá Botnsdal var síðan riðið inn í Brynjudal, á æskuslóðir annars mafíuoringjans. Þar var borðaður góður matur, mikið grín og glens.

Að morgni sunnudags var svo haldið heim á Akranes.

Var þetta gríðarlega góð ferð og komu margir meðlimir mafíunnar sér og öðrum á óvart með miklum dugnaði og hæfilekum í reiðlistinni.

 

 

Athugasemdir

[Aldís (IP-tala skráð) 22.6.2007 kl. 08:25]

Hljómar alveg hreint frábærlega.  Gott að vita að þið eruð lent á Íslandinu góða og hvað er íslenskara en hestaferð um íslenska grund.  Dauðöfunda ykkur!!

Kveðja úr sólinni Aldís